Hönnunar

Opið fyrir umsóknir

Sjóður

Hönnunarsjóður veitir styrki til margvíslegra verkefna á sviði hönnunar og arkitektúrs: þróunar og rannsókna, verkefna og markaðsstarfs auk ferðastyrkja.

Hlutverk Hönnunarsjóðs er að efla þekkingu, atvinnu- og verðmætasköpun á sviði hönnunar og arkitektúrs með fjárhagslegum stuðningi en sjóðurinn er fjármagnaður af stjórnvöldum.

Hönnunarsjóður stuðlar einnig að auknum útflutningi íslenskrar hönnunar með því að styrkja kynningar- og markaðsstarf erlendis.

Umsóknarfrestir 2024

Almennir- & ferðastyrkir

1. desember 2023 – 21. febrúar 2024 (á miðnætti)
Úthlutun 22. mars 2024

Almennir- & ferðastyrkir

2. apríl – 19. september (á miðnætti)
Úthlutun 17. október 2024

Þróunar- og rannsóknarstyrkir

Styrkja rannsóknir og þróun nýrra hugmynda eða lausna. Verkefni sem hlotið hefur þróunar- og rannsóknarstyrk á möguleika á að fá verkefnastyrk síðar.

Verkefnastyrkir

Styrkja nýjar hugmyndir eða lausnir sem búið er að þróa og móta og eru komin á útfærslu- og framkvæmdastig.  Verkefni sem hlotið hefur verkefnastyrk á möguleika á að fá markaðs- og kynningarstyrk síðar.

Markaðs- og kynningarstyrkir

Styrkja verkefni sem komin eru af útfærslu- og framkvæmdastigi og eru fullmótuð og tilbúin til markaðssetningar.

Ferðastyrkir

Auka möguleika hönnuða og arkitekta á því að taka þátt í erlendum samstarfs- og kynningarverkefnum, sýningum, viðburðum, ráðstefnum eða viðskiptastefnumótum. Hægt er að sækja um ferðastyrk fyrir einn einstakling eða fleiri til sömu ferðar. Veittir verða allt að 15 ferðastyrkir í hverri úthlutun að upphæð 150 þúsund hver. Mælt er með því að umsækjendur ferðastyrkja vegna sama verkefnis/ferðar sæki um sem hópur en ekki hver fyrir sig. 

Hámarksupphæð almennra styrkja er 10 milljónir króna.

Umsóknum skal skilað rafrænt í sérstöku umsóknarformi sem hægt er að nálgast hér.

Styrkþegar verða að gera ráð fyrir að það geti tekið allt að 6 vikur að fá fyrsta hluta fjárins afgreiddan.

Hafa samband

sjodur@honnunarmidstod.is
+354 771 2200

Miðstöð hönnunar og arkitektúrs, Bjargargata 1, 102 Reykjavík